21 Feb Приказни за градот
Четврток 21.03.19 | 19:00 – 20:00
This City Knows e веб-платформа посветена на градови. За своја цел има да ги истражува субверзивните потенцијали на носталгијата, но и да ја документира сегашноста и да погледне кон иднината.
Низ прикажување на успешни урбани практики, споделување на лични приказни за градови и патувања, критика и промислување на современите урбани знаменитости, платформата се обидува во целост да го освежи наративот за Градот како културен, социјален или историски конструкт.
Панел дискусија каде првично би се презентирала веб-платформата www.thiscityknows.com, а потоа разговорот би продолжил на неколку теми поврзани со настанот и со веб-платформата.
Дискусијата ќе биде проследена со селекција на фотографии од старо Скопје (чија дистрибуција/промоција/коментирање била до сега една од активностите на This City Knows), споредбено со понови фотографии од Скопје.
Би се зборувало:
Како местото на живеење го диктира стилот на живеење?
Кој е ефектот на урбаните/архитектонските интервенции на јавните простори околу нас?
Каква е улогата на колективната меморија за градот, и како таа го обликува нашето постоење?
Зошто е потребно да се зборува/пишува/документира на овие теми? Која е потребата од критика и одново промислување на наративите за Градот? Како личните приказни доаѓаат тука до израз?