20 Feb Приказната за Сувенири од Скопје
Среда 20.03.19 | 17:00 – 18:00
Идејата на проектот Сувенири од Скопје е да се претстави Скопје во едно убаво светло пред странските посетители и секако да можат да купат и понесат со себе сувенир како убав спомен или подарок. Сувенирите имаат помодерен пристап во однос на графичкото изразување со надеж дека ќе им бидат допадливи на посетителите и ќе помогнеме барем делумно Скопје да оди рамо до рамо со другите светски метрополи.
Сите илустрации се уникатни, од впечатливи и репрезентативни локации во Скопје, и истите се искористени за брендирање на сувенирите.
На посетителите ќе им биде презентирана првичната идеја за тоа како е започнат проектот Сувенири од Скопје и која е целта на неговото постоење. Ќе им биде зададена кратка активност во која ќе треба да учествуваат и потоа на подарок ќе добијат одбележувач за книга или разгледница со мотив од некој дел од Скопје по нивни избор.