20 Feb Ајде да свириме!
Среда 20.03.19 | 15:00 – 16:00
Skopje Drum Talks е организација за поддршка на тапанарите во Р. Македонија која спроведува музички едукативни програми од секаков вид и помага во развојот на музичарите и на оние кои сакаат да го научат овој инструмент.
“Ајде да свириме!” е музичка работилница чија цел е популаризација на ударните инструменти преку едукација на популација од различни возрасти. Работилницата ќе ја водат искусните локални тапанари: Благоја Антовски (Smut, Каролина Гочева, Нокаут, Black and Vice Social Club), Дејан Милосављевиќ (Влатко Стефановски Трио, Kabadayas, Владо Јаневски), Дамјан Даневски (Зулу 3.4., Day Off Next Generation) и Мартина Баракоска (Duper). Програмата на оваа работилница содржи изучување на основни ритмички концепти и патерни (2/4, 3/4, 4/4, 7/8, клаве, каскара и др.) при што публиката ќе земе активно учество и ќе се креира една ритам секција.